Зоштооо!!??

Хуманитарниот концерт ќе се одржи на 25 јануари



Наместо на 5 октомври, термин кој стана традиција во последните две години, големиот хуманитарен концерт, посветен на Тоше Проески, ќе се одржи на денот на неговиот роденден, 25 јануари 2010 година. Ова е последната информација што ја објави Меѓународната фондација „Тоше Проески“, со што се стави крај на многубројните шпекулации поврзани со терминот на одржување на концертот кој фановите со нетрпение го очекуваат. „Размислувавме дека понатамошната организација на концерт за Тоше, наместо на датумот на одржувањето на неговиот последен концерт, 5 октомври, треба да го поместиме на датумот на неговото раѓање со што ќе ја славиме и понатаму радоста од неговото раѓање. За нас, членовите на семејството, а веруваме и за сите на кои Тоше им е во срцата, 25 јануари е денот што треба да се слави и да се исполни со музика и љубов“, се вели во соопштението испратено од Фондацијата.

Средствата што ќе се соберат од концертот ќе бидат наменети за манастирот „Св. Преображение“ во Крушево. „Градителските работи се во полн ек, но со оглед на тоа што манастирот е оддалечен 7 км од Крушево, во место кое е надвор од јавната електрична мрежа, потребна е поголема инвестиција за електрификација и комплетно осветлување на манастирскиот комплекс“, додаде Андреј Николоски, директор на Фондацијата „Тоше Проески“. (К.Ш.)

http://utrinski.com.mk/?ItemID=89AEB85B1E5ED0469C890A6F05382DE7

Се повлеков од се, но некому ни тоа не му е доста

За интернет-сајтот Tose.bloger.hr, менаџерката на нашата легенда Тоше Проески – Љиљана Петровиќ, даде ексклузивна изјава, со цел спречување на непроверени и лажни изјави на нејзината сметка.

Во изјавата до фановите Љиљана вели дека не е член на фондацијата Тоше Проески, ниту за нешто одлучува. Ланскиот концерт го помагаше волонтерски, заради љубовта кон Тоше. Посакуваше тој да стане традиција... Сепак, не ја исклучува можноста повторно да помогне, ако ја побараат...

Петровиќ вели дека се откажа од сите нејзини права во корист на родителите на Тоше, без оглед што некои луѓе се уште ја отповикуваат заради таа работа.

Се повлеков од се, ама некому ни тоа не му е доста! Зарем морам на крајот и да се правдам, иако и самата изминативе две години минав низ пекол? – се прашува менаџерката Петровиќ.

http://mmm.com.mk/default.asp?ItemID=E7C2E...5BF26E59C552E25