Изградба на манастирот "СВЕТО ПРЕОБРАЖЕНИЕ"

Иселениците продолжуваат до остварување на сонот на Тоше

По неодамнешната донација на нашинците од Австралија за манастирот "Свето Преображение" во Крушево, што почна да го гради Тоше Проески, следува нова. Македонската радио програма од Сиднеј "Македонски поручек" со водителите Бале Стојановски и Сашо Трпчевски успешно ја продолжија акцијата и преку оваа радиопрограма собрале нови 14.500 долари.

Досегашната заедничка донацијата од нашинците од Мелбурн и Сиднеј изнесува нешто повеќе од 35.000 долари, а информациите кои доаѓаат оттаму велат дека акцијата не запира тука и продолжува понатаму. Средствата, инаку ќе бидат искористени за завршување на фрескоживописот и конаците, како и изградба на крстот висок 33 метри, што ќе се постави по желба на Тоше, а ги симболизира Исусовите години.


Izvor: vecer

za nasite MAKEDONCI vo Avstralija

Bravo bravo bravo. Sekoja cest za nasite vo Avstralija, se gleda deka go sakaat Tose. Fala za humaniot gest

Universal* напиша:

Bravo bravo bravo. Sekoja cest za nasite vo Avstralija, se gleda deka go sakaat Tose. Fala za humaniot gest

Mnogu sum srekna sto konecno ke se ostvari sonot na Tose.
Bravos nasi

можам да кажам дека сум задоволен од нацијава наша, затоа што на секој начин се обидуваат да помогнат за изградбата на манастирот

bravo za nasite vo Avstralija, i za site onie koi pomagaat za izgradbata na manastirot

mnogu humano od nivna strana

Браво за нашите иселеници во Австралиja, но погледнете што пишува овде
http://www.dnevnik.com.mk/?ItemID=F37CA87B0FCD5D49AC4C70B6DB385733

cherry напиша:

Браво за нашите иселеници во Австралиja, но погледнете што пишува овде
http://www.dnevnik.com.mk/?ItemID=F37CA87B0FCD5D49AC4C70B6DB385733

.....е повеќе незнам што да кажам, NO COMMENT, јас останав без зборови..........

лелееееееее сељак еден, а уште кога го погребаа Тоше ме изнервира овој човек, се сеќавате ли дека полаа саат ги набројуваше политичарите? СРАМ ДА МУ Е!

ROYAL напиша:

лелееееееее сељак еден, а уште кога го погребаа Тоше ме изнервира овој човек, се сеќавате ли дека полаа саат ги набројуваше политичарите? СРАМ ДА МУ Е!

јас се разочарав...ова нема смисла повеќе.....

Prosti im Gospode ne znaat sto pravat...

sramota!stvarno ova veke nema nikakva smisla....

Вечерва во срцето на битолската чаршија започна хуманитарната аукција на слики што ја организира Малиот битолски Монмартр, а посветена е на Тоше Проески.

Во наредните три дена секоја вечер од 18 до 20 часот на аукциската изложба ќе се продаваат ликовни творби од младите ликовни амбасадори од целиот свет што учествуваа на годинашната 27-ма Ликовна колонија и работеа според мотиви од старата архитектура на Крушево, Охрид и Битола.

Годинашната колонија се одржа под мотото „Крушевските камбани за ангелот“, посветена на хуманата животна мисија на Тоше Проески.

Аукциската изложба се одржува во негова чест, а средствата од продадените слики ќе бидат наменети за изградба на манастирот Свето Преображение во Крушево.

Почетна цена за секое ликовно дело изнесува 100 евра.

„Пред се, заради тоа што стара градба има во старата битолска чаршија се уште и заради придонес за фондацијата за Тоше Проески“, рече Билјана Георгиева, првиот купувач на аукцијата.

„Најубавите бисери, односно делата создадени од ликовните амбасадори ќе се продаваат на една хуманитарна аукција, чиишто средства ќе бидат доделени на фондацијата на Тоше Проески за доизградба на новиот храм над Крушево“, вели Никола Главинче, портпарол на Малиот битолски Монмартр.

„Првпат Монмартр се одделува од своите најубави дела и ги посветува на хуманоста. Се надеваме дека во тоа име на благодарната мисија, којашто Тоше Проески ја почна, ќе имаме успех“, додаде Главинче.


www.a1.com.mk

Браво за Малиот Битолски Монмартр!!!!!!!!!!

....

Хуманитарна аукција на битолскиот „Монмартр“ за доизградба на манастирот на Тоше во Крушево

Во средата, беа продадени три дела од младите ликовни творци по цена од 6.000 денари за слика

„Мал битолски Монмартр“ преку продажба на најубавите дела создадени на годинешното издание на фестивалот ќе се обиде да помогне во изградбата на манастирот „Св. Преображение“ во Крушево, чиј ктитор беше Тоше Проески.

На првиот дел од хуманитарната аукција, која започна во средата, беа продадени три дела од младите ликовни творци по цена од 6.000 денари за слика. „Се одлучивме најубавите дела на бисерите на ’Мал битолски Монмартр‘ да ги понудиме на аукција, со намера и граѓаните на Битола со свој прилог да учествуваат во доизградбата на манастирот што го градеше Тоше. Многу сме задоволни што успеавме да собереме 18 илјади денари за една вечер“, вели Никола Главинче, портпарол на „Мал битолски Монмартр“.

За почеток на продажба се изложени 120 дела, но, како што велат организаторите, доколку има интерес, покрај нив ќе бидат достапни уште 150 дела кои се во депото на битолскиот „Монмартр“. За време на тридневната аукција, бисерите на „Мал битолски Монмартр“ ќе бидат изложени од 18 до 20 часот пред седиштето на Детското ликовно студио во Битола, кое е лоцирано во срцето на Старта битолска чаршија. (А.Б.)

www.utrinski.com.mk

Доброволно се помага за градење на манастирот на Тоше

„Овде почнав, овде и ќе завршам“. Овие зборови на Тоше кажани во манастирот Свето Преображение кај Крушево, кој тој самиот го градеше, денеска станаа вистина.

Неговиот дух беше присутен насекаде. Во негова чест, стотина луѓе продолжувајќи го неговото дело, доброволно учествуваа во градењето на манастирскиот конак.

„Има тука околу 100 работници, сите доброволно што сакаат да помогнат и што сакаат да го продолжат делото на мојот братучед, Тоше Проески“, рече Тоше Проески, братучед на Тоше.

„Возбудени сме, насекаде има слики од Тоше Проески, сите зборуваат за него. Имам едно чувство дека цело време е тој со нас и не гледа од некаде“, изјави Никола Аврамоски, жител на Крушево.

„Сите сакаат да дојдат. Премногу работници има, нема работа за сите. Се менуваме и убаво е, секој сака да дојде да помогне“, вели Зоран Николоски, жител на Крушево.

Луѓе имаше од цела Македонија.

„Се надевам дека и понатаму сите други од другите градови што побргу ќе помогнат да се изгради манастирот во негова чест бидејќи знаеме дека ова е домот негов“, изјави Марина Георгиева, жител на Битола.

Се планира манастирот целосно да биде среден до празникот Свето Преображение на 19 август, кога се планира големо одбележување на овој ден со гости од целиот Балкан.

Моментално се изработува иконостасот за црквата од мермер, а фреските најверојатно ќе ги цртаат мајстори од Русија и Украина.

„Негова најголема желба беше иконостасот да се изгради, тој е порачан веќе и по година, година ипол ќе се изработи“, рече Никола Петрески, член на управниот одбор на манастирот.

Интензивно се работи на патот до манастирот во должина од три километри, кој треба да започне да се асфалтира за неколку дена, а денес почна да се гради и патот до местото над манастирот, каде треба да биде изграден крст висок 33,5 метри, исто така, голема желба на Тоше.

На место на 1.690 метри надморска височина, којашто се наоѓа на околу половина километар од манастирот Свето Преображение, којшто го градеше Тоше, ќе биде изграден крстот во височина од 33,5 метри, колку што години имал Христос.

„Се качуваше тука, ги ширеше рацете, како крст правеше и секогаш велеше на сите, дека на ова место, на „чале“, на татко му, ќе направиме крст и еве, желбата на Тоше ќе му се исполни“, вели Анастас Проески, чичко на Тоше.

Бидејќи крстот ќе биде наместен на една од највисоките точки во овој регион, од каде се гледа и Солунскиот залив, тој ќе може да се забележува скоро од една третина на територијата на Македонија.


www.a1.com.mk

Продолжува хуманитарната аукција на „Мал битолски Монмартр“

Детското ликовно студио „Свети Кирил и Методиј“ од Битола ќе ја продолжи аукцијата на слики од годинешната меѓународна ликовна колонија „Мал битолски Монмартр“ поради зголемено интересирање. Средствата што се собираат од продадените слики се наменети за доизградба на манастирот „Свето Преображение“ во Крушево, чиј ктитор беше Тоше Проески.

„Замислата беше аукцијата да трае три дена, но, сепак, одлучивме да продолжи до Петровден, бидејќи не стивнува интересот за купување слики создадени од децата од сите страни на светот“, изјави раководителот Коста Хаџи-Антоновски, кој објасни дека најмногу се купуваат сликите со портретот на Тоше, мотиви од Крушево, но и мотиви од Битола и од Охрид.

Хуманитарната аукција на слики од „Мал битолски Монмартр“ се одвива во салонот на детското ликовно студио „Свети Кирил и Методиј“, во Старата битолска чаршија. (МИА)

http://www.utrinski.com.mk/?ItemID=7DCD84408730A649AAE892352E12F97B

...така треба....

bravo za mal bitolski monmartur

sonce moe kade si sega povtorno da gi rasiris racete i da ni kazes site ve sakam

ЛУЃЕ ОД СИТЕ СТРАНИ НА СВЕТОТ СЕСРДНО ПОМАГААТ
Љубовта кон Тоше е главен градител на манастирот!

Манастирот „Свето Преображение“ во Крушево се гради со засилено темпо во пресрет на патрониот празник кој се слави на19 август. Поставен е покривот, а цементиран е подот од 280 квадратни метри во кујната и во трпезаријата на манастирскиот конак. Почнува асфалтирањето на делницата од Крушево до манастирот, долга околу четири километри, а се гради и патот од манастирот до местото на кое Тоше со раширени раце се молеше на Бога и сакаше да изгради крст висок 33,5 метри, колку што години имал Исус Христос кога вил распнат. Патот се уште не е сосема прооден. Сега се минира и се израмнува. Овој зафат го спроведува екипа од пет работници, под раководство на Мирослав, финансиер од Србија. Волонтеаат почитувачи на големиот идол Тоше Проески, донираат и Македонците од дијаспората, донираат луѓе од земјава и пошироко, од секакви вери и нации. Неговиот зет од сестра, Славен Ристовски, открива дека Тоше бил нестрплив во изградбата на манастирот. - Извесно време пред да се случи трагедијата, разговарале со премиерот Никола Груевски во неговиот Кабинет. Премиерот го прашал како да му се оддолжи за сето тоа што го прави за земјава. Тоше му одговорил дека доволно ќе биде само да се асфалтира патот до манастирот и дека за возврат и тој сака да им пее на некоја нивна прослава. Сега премиерот го остварува своето ветување - открива Славен. Досега се собрани околу 100.000 евра, а евиденција му е препуштена на службеник од една крушевска банка. Околу 40.000 евра, кои ги испратија Македонците од Австралија, ќе бидат искористени за иконостасот и за фрескописот, што ќе го работаат најдобрите зографски тајфи од Русија и од Украина. Минатата недела при посетата, неколкумина Бугари донирале 1.000 евра и три икони, притоа изразувајќи одушевеност што се гради волонтерски, за разлика од другите манастири каде се плаќаат надничари. КРСТОТ ЌЕ СЕ ГЛЕДА И ОД ГРЦИЈА Колку повеќе се приближувате до манастирот, во целото спокојство како да ве пречекува и радоста што ја носеше Тоше и што ја ширеше околу себе. Веднаш на влезот е таблата која ја оставиле фановите од Хрватска на која пишува “Милион срца, една молитва за Тоше“. Малку понатаму е паркиран џипот со кој Тоше, како дете, сам се научил да вози, вртејќи кругови околу манастирот и пеејќи песни. Зад конакот е скелето со напукната штица, што Тоше ја скршил пред три години, носејќи полна количка. Идејата за обнова на оваа црква од 11 век пред дваесетина година ја дале таткото и чичкото на Тоше, заедно со уште неколкумина крушевчани. Црквата се наоѓа на 1.550 метри надморска височина. Крстот ќе биде поставен на 1.600 метри надморска височина и од таму има видик дури до Солун, како и повратен видик од рамното поле кон местото за крстот кој ќе може да се гледа дури од грчкото поле, раскажува Ѓушо Илиевски, еден од волонтерите-работници. „Се надевам овде конечно го најде својот мир“, пред некој ден запишал негов фан. Многу го сакавме, со овие зборови луѓето влегуваат во манастирот, прво на влезот бакнувајќи го каменот кој Тоше го бакнувал. ПОЧИВАЛИШТЕТО СТАНУВА СВЕТИЛИШТЕТоше беше небесен симбол, идеално момче во секој поглед врвен музичар, а неговиот неповторливо убав и волшебен глас беше изразно средство да им се доближи на луѓето и да им ја открие моќта на доброто срце, на човечката љубов, се она што тој го поседуваше и го покажуваше. Луѓето не забораваат дека Тоше со своето натчовечко однесување и со совршенство и оддаденост на својата професија, каде и да одеше, ја претставуваше Македонија како горда и достоинствена земја, во која живее талентиран и интелигентен народ. Народот сега сака да му возврати за се што правеше. Одејќи во манастирот, луѓето како да сакаат да воспостават духовен контакт со него. Поупорните и преспиваат во собите на конаците каде преспивал Тоше, иако се уште не е сосема отворено за сите добронамерници. Младата писателка Јована од Скопје, пријателка на Тоше, многу често оди таму и вели дека сака одблиску да ја доживее магичната сила на ова место, во кое, според неа, како и според многумина, во секоја точка се чувствува духот на љубениот идол. Таа смета дека децата се раѓаат со вродена љубов за Тоше. Македонија имаше непроценливо богатство со Тоше. Сега Тоше не е оставен сам ни за момент на неговото почивалиште, кое е на ниво на светилиште. Откако помина масовните екскурзии на учениците, дури и во овие летни денови доаѓаат по неколку стотици посетители дневно. Во средата на пладне пред вечниот дом на ѕвездата се поклонија момче и девојка од Белград, дојдени на мотор, екипа во еден хрватски автобуси и едно семејство од Холандија, кое додека таткото фотографираше мајката со најтивок тон ги советуваше своите две мали деца да бидат тивки. Белите перничиња со натпис „те сакам“, ангелчиња, посвети, цвеќиња, околу почивалиштето. На едно борче македонското знаме е закачено со ангелчиња. Извесен Метју оставил плакета испишана со златни букви на англиски јазик, а до неа иконата на Исус Христос и Исусовата круна од трње, оригинална изработка. Вработените од Основен суд 2 од Скопје, преку мермерна книга на Тоше му порачале: „Ти одеше секаде каде што можеше, сега ние ќе доаѓаме од секаде од каде што можеме. Книгава нема страници, празни неиспишани,тука се нашите желби и молитви, смо за Тебе Тоше ангелу наш„. И неговите крушевчани, покрај семејството, секојдневно палат свеќи и се потсетуваат на својот незаборавен Тоше.



www.vreme.com.mk