Други новости во врска со Тоше

didi47 напиша:

Моля ви разкажете за филма, или аз някъде пропуснах да прочета.

Тема на којој имаш неке податке о филму је https://tose-mk.forumakers.com/forum-f11/topic-t404-88.htm ... А што се тиче филма као филма, мислим да га је немогуће достојно испричати. То је нешто што мораш погледати. Ја сам га гледала два пута и имала различите реакције на разним дијеловима филма. Није то класичан филм, више је умјетничко дјело које је покушало да нам прикаже бар дио живота некога кога смо сви толико вољели и волимо. Мој савјет је да га погледаш, а вјерујем да ће се убрзо наћи и као ДВД издање па ћете га и ви у Бугарској моћи погледати.

Фестивал за највртени спотови

Битолската ТВ Орбис овој петок го организира првиот домашен телевизиски фестивал за највртени спотови во 2008 година. Настанот ќе се случи во Центарот за култура во Битола со почеток во 20 часот, а изборот е направен според гледачите на оваа, но и уште 15 локални ТВ-станици од земјава.

Меѓу наградените ќе бидат: Јован Јованов, Браво бенд, Елвир Мекиќ, Бојана и Роберт Билбилов, Ноне, Ламбе, Димитар Андоновски, Next Time, Верче Пандиловска, Паркети, Памперси..., а се очекува и присуството на Антонија Шола. Хрватската ѕвезда треба да ја прими наградата за текстописец на дуетот отпеан со Тоше Проески Волим осмијех твој.

Постхумно ќе биде доделена и наградата за највртен спот - Волим осмијех твој, на Тоше и Антонија.


http://mmm.com.mk/?ItemID=5934D9D7A25656418219355673E4F8CC

http://vecer.com.mk/?ItemID=30E7B98934A44F4AB1E582F74B2F648D

ТВ Орбис организира фестивал на највртени спотови

http://www.radiomk.com/index.php?categoryid=1&p2_articleid=1466

CD-то на Тоше – Топ-настан на стартот на 2009-та

Минатонеделната анкета на МММ – Топ настан на стартот на 2009-та, во најмала рака нема потреба да се коментира. Најмногу гласови – рекордни 85% беа за новото CD на Тоше Проески, албумот The Hardest Thing. За националниот Евросонг гласаа 8% од анкетираните, а за концертот на Калиопи на Денот на љубовта и виното – 3%, исто колку што гласаа и за Златна Бубамара на популарноста. За автобиографската книга на Зорица Поп-Панкова, како топ-наста на стартот на 2009-та гласаа еден процент од анкетираните.

Оваа недела веќе е во тек анкетното прашање: Next Time патуваат за Москва!? Опции за одговор се: a) Заслужено, б) Одвај... и в) Незаслужено!

Гласајте!


http://mmm.com.mk/?ItemID=D1CADDEFD91F684DA9D1F058ADF83773

http://vest.com.mk/default.asp?id=163945&idg=9&idb=2607&rubrika=%40ivot

http://novamakedonija.com.mk/DesktopDefault.aspx?tabindex=15&tabid=2&fCat=1&top=1&EditionID=325&ArticleID=18867

24. февруари 2009


CD-то на Тоше – Топ-настан на стартот на 2009-та




Минатонеделната анкета на МММ – Топ настан на стартот на 2009-та, во најмала рака нема потреба да се коментира. Најмногу гласови – рекордни 85% беа за новото CD на Тоше Проески, албумот The Hardest Thing. За националниот Евросонг гласаа 8% од анкетираните, а за концертот на Калиопи на Денот на љубовта и виното – 3%, исто колку што гласаа и за Златна Бубамара на популарноста. За автобиографската книга на Зорица Поп-Панкова, како топ-наста на стартот на 2009-та гласаа еден процент од анкетираните.

Оваа недела веќе е во тек анкетното прашање: Next Time патуваат за Москва!? Опции за одговор се: a) Заслужено, б) Одвај... и в) Незаслужено!



http://www.mmm.com.mk/?ItemID=D1CADDEFD91F684DA9D1F058ADF83773

Златни Бубамари за Белов, Next Time, Македонски рози, Браќата Тавитјан...

Синоќа во Универзалната сала се одржа 12-то издание на манифестацијата Златна Бубамара на популарноста. Традиционално, ја отворија Супер ѕвездичките, по што продолжи забавата, која изобилуваше со многу пеење и смеење.

Бидејќи МММ е музичка страница, ќе ги издвоиме добитниците на музичките награди:

Најперспективна група: Next Time
Откриетие на годината: Александар Белов
Хит на годината: My Little One – Тоше и Кристијан
Албум на годината: Македонски рози
Спот на годината: The Hardest Thing – Тоше Проески
Продуцент на годината: Мите Димовски
Концерт на годината: Браќата Тавитјан

Според академијата на Златна Бубамара на популарноста, најпопуларна радио-емисија е Утринска програма на Антена 5, а најпопуларен радио-водител: Виктор Петров – Викса.

Меѓу останатите добитници на наградите се најдоа и: Кире Лазаров (спортист на годината), Публицис (маркетинг-агенција за 2008-ма), Лебедово езеро (претстава на годината), Горан Михајловски (најчитана страница Сакам да кажам во Вест), Ексклузив, Бекстејџ, Зевзекманија и Зајди, зајди на Зоран Џорлев (најдобри емисии), Оливер Митковски (актер на годината за улогата во Сомнително лице), Јелена Јованова (најпопуларна актерка)...

Ревијално настапија многу домашни музички ѕвезди... Дани и Тамара го исполнија големиот хит на АББА – Мани, мани, мани... Паркети настапија со модерната верзија на Билјана платно белеше, а Тони Зен со Скандал. Настапија уште и Андријана Јаневска како и Зоки Агресорот, облечен како Титовото пионерче, пеејќи ја евровизиската Динг-донг, заедно со уште три другарки – исто така пионерки.

Наградата за животно дело му беше доделена на тапанарот Гарабет Тавитјан, кој статуетката и ја посвети на сопругата Слаѓана. Гаро за присутните приреди незаборавно перкусионистичко шоу...

http://www.mmm.com.mk/?ItemID=D4CF1F39F4C04540AB6EFCF46A02AECD

Оливер Митковски и Јелена Јованова ги добија наградите за најдобар актер и актерка за 2008 година, додека наградата за хит на годината и видеозапис доби песната „My little one“ на Тоше Проески и неговиот внук Кристијан, кој излезе на сцената да ја прими наградата. „Жал ми е што вујко ми не е тука за да ја прими наградата. Ви благодарам од негово име“, изјави Кристијан.


http://utrinski.com.mk/?ItemID=4D7E201C758090488337141339D495D1

ИЗДАНИЕ ПОСВЕТЕНО НА РЕТРО-МУЗИКАТА

Пријатно изненадување за публиката беше кога на сцената се појавија правнукот на Никола Карев, познатиот водител Игор Филевски-Филе и Елена Гули, внука на Питу Гули. Елена истакна дека се надева оти со проектот „Крушево етно-град“ конечно ќе заживее градот и му се заблагодари на Ранко Петровиќ за иницијативата на овој проект. Тој дел од манифестацијата беше во знакот на Крушево и на неговата историја. На сцената се качи и Кристијан, внукот на Тоше Проески, за да ја подигне наградата за спот и за хит на годината.

- Тажен сум што мојот вујко не е вечерва со нас. Ви благодарам за се' - им рече Кристијан на присутните во салата.


http://dnevnik.com.mk/?ItemID=50F118F88DF498419AFF732E89BB6C9C

ЗАВРШИ СУДСКИОТ ПРОЦЕС ПРОТИВ МЕНАЏЕРКАТА НА ТРАГИЧНО ЗАГИНАТАТА ПОП-SВЕЗДА
Будимир и Љиља си ја мерат честа преку пораките за Тоше



"Подигнав тужба против бившата менаџерка на Тоше, зашто се обиде да го наруши мојот углед кој сама го создадов во мојот живот, и не сакам да и дозволам да гази по моите спомени за Тоше. Јас со него бев од љубов, а не зашто ми требало нешто од него. Спомените ми се единственото што ми остана од него, и навистина нема да дозволам некој да ми ги гази. Толку", изјави вчера Андријана Будимир, по завршувањето на судскиот процес кој таа го поведе против Љиљана Петровиќ, менаџерката на трагично загинатата поп-sвезда.
"Се што имаше Тоше да каже, го стори тоа 10 часа пред да загине во неговото последно интервју на 'Вртелешка'. Срамота е што тоа што не сакал да го каже во јавност, е кажано", рече тужената Петровиќ во завршните зборови во судскиот процес против неа.
Пресуда не беше изречена вчера, судијата најави дека двете страни ќе ја добијат писмено.
На прашањето зошто Будимир ја вади во јавност интимата од врската со Тоше, давајќи да се објават СМС пораките кои и ги пишувал деновите пред кобниот 16 октомври 2007, кога загина во сообраќајната несреќа кај Нова Градишка во Хрватска, нејзиниот адвокат рече дека мобилниот на Будимир со пораките единствено бил даден во Судот како доказ дека Петровиќ ја наклеветила и неосновано ја направила лажга во хрватскиот "24 сата", тврдејќи дека Тоше не и праќал пораки деновите пред да загине.
"Целта не е да се вмеша покојниот Проески во процесов. Но некој да има листинг од неговите телефонски јавувања и пораки и пет месеци да го чува в џеб, да чека да дојде ден пред годишнината на Тошевата смрт за да даде интервју во тиражниот '24 сата' дека ексклузивно го поседува извештајот, и притоа да тврди дека Будимир лаже оти Тоше и се јавувал на мобилен, навистина намерата му е чиста пакост", објаснуваше во завршни зборови адвокатот на Будимир, потсетувајќи дека токму во тој листинг биле регистрирани сите пораки и повици од Тоше кон Андријана.
(С.К.Д.)



http://vest.com.mk/default.asp?id=164135&idg=9&idb=2610&rubrika=Makedonija

Заврши судскиот процес на Андријана Будимир и Лилјана Петровиќ



Странките ќе ја добијат пресудата во писмена форма

Со давање завршен збор, вчера беше окончан судскиот процес кој беше инициран со тужбата на ексракометарката Андријана Будимир против Лилјана Петровиќ, менаџерка на Тоше Проески.

Застапникот на тужителката, адвокатот Ненад Јаниќевиќ, рече дека со интервјуто што го дала Петровиќ за хрватскиот весник „24 часа“ имала намера со изнесување невистини да ја навреди честа и угледот на Андријана Будимир. Тој тврдеше дека тужената пет месеци кај себе го имала листингот со телефонските повици и дека еден ден пред одбележувањето на годишнината од смртта на Проески, ги пласирала невистините. Јаниќевиќ, и покрај тоа што со тужбата најави штета од 150.000 евра, сепак, остави судот да ја одреди висината на нематеријално отштетно побарување.

Бранителот на Петровиќ, адвокатот Данчо Николовски, рече дека скопскиот суд самиот треба да се огласи за ненадлежен, бидејќи и тужителката и тужената се странски државјанки, а она што било изнесено било во хрватски медиум. Сепак, доколку не се случи тоа, судот треба да ги провери сите позитивни искажувања за Будимир, а кажани од тужената менаџерка. Адвокатот рече дека ако неговата клиентка сакала судења, тогаш ќе требало да има многу тужби против Будимир, бидејќи токму таа била онаа страна, која изнесувала навреди.

Тужителката Андријана Будимир во својот завршен збор изрази согласност со кажаното од својот адвокат и рече дека нема да дозволи „никој да и' го валка угледот“, додека тужената Петровиќ изјави дека се' што треба да се каже го кажал токму Тоше само десетина часа пред неговото загинување, кога беше гостин во емисијата „Вртелешка“.

Судијката Кадрие Селмани информираше дека странките ќе ја добијат пресудата во писмена форма. (Љ.С.)

http://www.utrinski.com.mk/default.asp?Ite...ABD327FA8148466

http://vreme.com.mk/DesktopDefault.aspx?tabindex=2&tabid=1&EditionID=1635&ArticleID=108643

http://vecer.com.mk/?ItemID=ED565C3042F50D46ACB5BDE1F1068F3C


http://vest.com.mk/default.asp?id=164094&idg=9&idb=2610&rubrika=%40ivot

Фановите собираат фотографии за мозаик на Тоше

Според замислата на архитектот Дејан Секуловски и идејата на фановите на Тоше Проески, во спомен куќата на големиот македонски пејач во Крушево, ќе биде поставен џамбо мозаик (4,5 метра висок и 2,2 метри широк), на кој ќе доминира фотографија од Тоше, составена од многу лични фотографии на неговите бројни обожаватели.

Заради тоа фановите од меѓународниот фан-клуб на Тоше - www.tosefanclubforum.com, преку МММ ги канат обожавателите да испратат нивната лична фотографија (минимум 500 kb, во jpg формат), на следнава мејл-адреса: mozaik.tose@gmail.com. Доколку постои согласност, во еден мејл можат да се најдат повеќе фотоси од различни луѓе.

Веќе некое време собирам фотографии, но се уште се премалку за мозаикот со тие големини. Затоа ги молам сите фанови на Тоше од целиот свет, да ни излезат в пресрет, со испраќање на своја фотографија – ни пишува во мејлот Елена Попоска, голема обожавателка на Балканскиот ангел.

Прилогот за оваа убава акција беше овјавен и во вестите на Канал 5 ТВ, што дополнително укажува на сериозноста на фановите.


https://www.youtube.com/watch?v=TedXdE4gKMs

http://mmm.com.mk/?ItemID=575AEB559FD6B645A1B1C4C3DD1BD74F

http://vreme.com.mk/DesktopDefault.aspx?tabindex=0&tabid=1&EditionID=1637&ArticleID=108781

Се собираат фотографии за мозаик на Тоше

http://www.radiomk.com/index.php?categoryid=1&p2_articleid=1494

http://novamakedonija.com.mk/DesktopDefault.aspx?tabindex=8&tabid=2&fCat=1&top=1&EditionID=331&ArticleID=19393

Магазин

Кога амбицијата ја убива човечноста



Светската шоу-бизнис сцена памети многу личности кои се обиделе да профитираат од своите партнери - и тоа во името на законот

Ивона Саздовска

Во изминатиов период се крена прашина околу судскиот спор што го водат ракометарката Адријана Будимир и менаџерката на Тоше Проески, Лилјана Петровиќ. Сакајќи секоја да ја истера водата на своја воденица, случајот стана актуелен, иако на многумина сега кога го нема Тоше воопшто не им е важно која му била девојка.

Но, суровата реалност зборува за многу имиња кои се обиделе да профитираат во судниците поради својата врска или брак со некоја славна личност, а притоа да го заштитат и спакуваат сето тоа во името на правдата. Тажна е приказната дека многумина единствен профит оствариле од тоа што биле во брак со некоја позната личност. Тука почнуваат и завршуваат нивната кариера, познанствата и пријателствата.


http://utrinski.com.mk/?ItemID=E69AD5AB017F8A4396C171040ABE0359

Започнува изградбата на патот кај манастирот „Свето Преображение“ во Крушево
среда, 11 март 2009




Кај манастирот „Свето Преображение“во Крушево денеска ќе биде поставен камен-темелник за изградба на пат кој ќе го поврзува манастирот со локацијата на која е предвидена изградба на Свет Крст




На свеченото поставување на камен-темелникот најавено е присуство на претседателот на Владата на Република Македонија Никола Груевски и министерот за транспорт и врски Миле Јанакиески.
Изградбата на овој пат претставува дел од активностите кои се посветени на зачувување на ликот и делото на Тоше Проески и остварување на неговиот сон, манастирот „Св. Преображение“да стане место кое ќе го посетуваат многумина.




http://kirilica.com.mk/vest.asp?id=21779

Мирослав Рус и официјално ја најави новата песна на Тоше

Хрватскиот композитор Мирослав Рус на втората годишнина од смртта на Тоше Проески ќе го објави новиот сингл на нашиот легендарен мегастар, кој беше работен во времето на последниот албум за балканските простори – Игра без граница.

Новата песна - Још увек сањам да смо заједно, е идентично добра како Игра без граница, и дефинитивно ќе го повтори успехот на оваа тема, како и на песните Још и данас замириши трешња и Среќо не криви ме – изјави Рус за српските медиуми.

Темата Још увек сањам да смо заједно Тоше успеа да ја отпее пред трагичниот настан на 16-ти октомври 2007-ма, а комплетната снимка Мирослав Рус во негова чест ја сработи во времето потоа.

На официјалната ХрТоп20 листа со синглот Среќо не криви ме, и оваа недела Тоше го зазеде првото место, во делот за поп-рок музика.


http://mmm.com.mk/?ItemID=407FBC63E349234CB11D16D36546E160

СЕ ЧЕКА УШТЕ ЕДНА ПЕСНА ОД ТОШЕ


Још увек сањам да смо заједно чека зелено светло за објава

http://www.vecer.com.mk/?ItemID=2C4B027E6E8A1C44A69EB9CD9577F110
http://www.radiomk.com/index.php?categoryid=1&p2_articleid=1517

МЕНАЏЕРКАТА ЌЕ ПЛАТИ 300.000 ДЕНАРИ ОТШТЕТА
Лилјана лажела за Будимир
Валентина Стојанчевска

Менаџерката Лиљана Петровиќ треба да и исплати 300.000 денари отштета на ракометарката Андријана Будимир за нарушена чест и углед.
Судот реши дека тврдењето на Лилјана дека Тоше не контактирал со Будимир пред несреќата, е лага и пресуди во корист на ракометарката.
- Според пресудата, Лилјана Перовиќ на Будимир треба да и исплати 300.000 денари и уште 25.000 судски трошоци - вели Добрила Кацарска, претседателка на Основен суд 1.
Изјава даде и Ненад Јанакиевиќ, адвокатот на Будимир.
- Задоволен сум од одлуката бидејќи јавно се покажа дека Лилјана пренесувала лаги. Поентата не ни беше Будимир да добие пари, туку вистината да излезе на виделина – рече тој.
Ракометарката Андријана Будимир, девојка на прерано починатата ѕвезда Тоше Проески, се судеше со менаџерката Лилјана Петровиќ поради изјавата на Петровиќ за хрватските портали „24 Часа“ и „Индекс“ дека е лага тоа што Будимир го кажала дека Тоше своите последни СМС и ги испратил токму неа.
Според листинзите што ги извадила Петровиќ, Тоше последните денови од својот живот не бил во врска со Будимир и не контактирал со неа. Спротивно на ова, во текот на судењето Будимир до судот го достави и својот мобилен телефон во кој се наоѓаат околу 200 СМС, кои откриваат во каков однос била таа со Тоше Проески.
Ракометарката ја тужеше менаџерката за клевета. Таа прво бараше од Лилјана јавно извинување и отштета од 150.000 евра за нарушен јавен углед, но потоа остави на судот да ја одреди сумата, која планира да ја донира за деца без родители.
- Не ја тужев Лилјана Петровиќ заради парите, туку за да докажам дека лаже. Таа жена ми го уништи животот, па луѓето прашуваат дали јас, навистина, бев во врска со него, или не - изјавуваше во изминатиов период Андријана, која тврди и дека поради таа изјава на Петровиќ имала и дополнителни тешкотии и морала да посети и психијатар.
Будимир беше во љубовна врска со Тоше и во летото 2007 година заедно го посетија и Ерусалим.


http://vreme.com.mk/DesktopDefault.aspx?tabindex=3&tabid=1&EditionID=1657&ArticleID=110349

gluposti kako ne i e sram na taa budimirrrr-katastrofa namesto da go ostavi na raat tosence one misli na pari pa od lilja be......haos

emi напиша:

gluposti kako ne i e sram na taa budimirrrr-katastrofa namesto da go ostavi na raat tosence one misli na pari pa od lilja be......haos

ehee koa mozese na 17 oktomvri intervjua da dava nisto ne me cudi