Други новости во врска со Тоше

znam deka ovoj roman ke bide prekrasen. Pisatelot Venko mi predavase na fax i e eden odlicen pisatel pred se covek.
bravooo

Прекрасно! Едвај чекам да излезе романот

Едвај чекам

ДОНАЦИЈА НА ФОНДАЦИЈАТА „ТОШЕ ПРОЕСКИ“

Училишниот кабинет на Тоше доби модерна музичка опрема

Во крушевското Основно училиште „Никола Карев“, каде што се школуваше и нашата трагично загината ѕвезда, младите таленти од неодамна се едуцираат на голем број современи инструменти

Фондацијата „Тоше Проески“ неодамна го опреми музичкиот кабинет во Основното училиште „Никола Карев“ во Крушево. Институцијата, во која се школуваше и нашата трагично загината ѕвезда, доби простор каде што младите таленти ќе се едуцираат на голем број современи инструменти.

Донацијата вклучува: тапани, електрична и бас-гитара со засилувачи и процесори, разглас со миксета, микрофони за озвучување хор и оркестар и за сценска изведба и дополнителни помошни средства за одржување на инструментите. Со тоа О.У. „Никола Карев“ го доби веројатно најопремениот музички кабинет во земјава.

- Ова е голема можност за напредување на учениците во музиката и за постигнување високи резултати. Со вака опремен кабинет добивме шанса за реализација на нашите приредби на многу повисоко ниво и можност за претставување на училиштето во поинакво, современо, уметничко светло - ни изјави Мери Проданоска, наставничка по музичко образование во „Никола Карев“.

ВО ДУХОТ НА ПРОЕСКИ



Иницијативата да се опреми кабинетот е на фондацијата „Тоше Проески“, која со своите донации го продолжува хуманото дело на македонската пејачка легенда.

- Можноста за работа во еден ваков кабинет за мене и за учениците претставува огромно задоволство, мотивација и можност за креативно изразување и за напредување во работата. Ова е најубавиот музички кабинет во земјава благодарение на Тоше, кој лично го познавав. Тој навистина беше човек со големо срце, желен за создавање добри дела, личност што вечно ќе се памети - истакнува Проданоска.

Учениците од ова основно училиште, во кое и Тоше заврши осмолетка, покажуваат голема интерес за работа, благодарение на современите инструменти и на условите за работа. Продановска нагласува дека покрај големиот талент на учениците, успехот во нивните резултати најмногу се должи на инспирацијата што им ја влева сеќавањето за Тоше.

Поради голем интерес на децата, по опремувањето на кабинетот што го носи името „Тоше Проески“, музичката секција веднаш почна со работа. Освен хорот и оркестарот со хармоники, мандолини, акустични гитари и блок-флејти, се јавува и можност за формирање модерен училиштен бенд.

КРУШЕВЧАНИ ОДУШЕВЕНИ

Освен кај учениците, среќата е видлива и кај родителите. Тие се среќни што нивните деца ќе можат да навлезат во тајните на музиката и да се едуцираат преку најсовремени инструменти.

- Тоше беше и секогаш ќе биде симбол на љубов, добрина, хуманост и музика. Затоа, како директор на О.У.“Никола Карев“ особено сум горд на кабинетот. Поради изгледот и условите за работа, тој предизвикува голема заинтересираност кај родителите. Тие не можеа да бидат рамнодушни при нивната посета и многу се задоволни. Во кабинетот доаѓаат и обожавателите на Тоше од земјава и од странство, кои исто така се одушевени од условите во кои учениците ја развиваат својата музикалност - вели Таки Ташкоски, директор на училиштето.

Дел од музичката секција е и Кристијан, внукот на Тоше Проески, кој во кабинетот ги усовршува своите познавања за музиката и за музичките инструменти. Според Продановска, тој е исклучителен музички талент, и верува дека успешно ќе го продолжи патот на својот вујко.

http://www.dnevnik.com.mk/?ItemID=EC35E905523B3842BE8E6EEC7DE4C5B7

Училишниот кабинет на Тоше доби модерна музичка опрема

http://www.radiomk.com/index.php?categoryid=1&p2_articleid=1728

Тоше се чувствува добро


Здравствената состојба на Тоше Проески, која кулминираше по илинденскиот настап во Крушево, придружена со зголемена температура, исцрпеност и болки, сето тоа последица од преголемиот замор и обврски во изминатиов период - е подобрена, а по лекарската интервенција нашиот популарен пејач се чувствува многу подобро.

Фановите на Проески, конечно, може да здивнат зашто кризата е надмината, а Тоше вечерва ќе настапи на големата "Космофон" журка на плоштадот во Охрид. "Тоше се чувствува многу подобро иако не е комплетно заздравен", ни рече неговата менаџерка Лилјана Петровиќ.

Но, како што вели Петровиќ, работата не смее да чека, па така по вечерашниот настап во Охрид, каде што покрај Тоше настапуваат и Тијана и "Харем", во недела и двајцата летаат работно за Шпанија. "Три пати досега го одложувавме патувањето, а ова ни е последен рок", вели Петровиќ, чиј ексклузивец наскоро го очекува и учество на фестивалот "Чешме" во Турција, каде што ќе настапи со песна на Тоше Поп Симонов.

Toshe e napishal pesna za Pol Simonov ? Kako se vika taa pesna ? Kakov e toa festival vo Cheshme ? Ke moze li nekoj da razjasni ili jas pak ne sum razbrala za kakvo stava na prashane !

Тоше не напишал песна за Пол Симонов, туку Тоше Поп Симонов, наш композитор, напишал песна за нашиот Тоше...а за фестивалот Чешме прв пат слушам...

Blagodaram za otgovorot. I jas mislev deka moze Toshe Pol Simonov da e edno ime, ama za prv pat slushnav vakvo ime i ne znaev. Moze bi e makedonec od Avstralija.

НА 28 АВГУСТ ВО СИДНЕЈ
Хуманитарен бал во спомен на Тоше
Во чест и спомен на саканиот пејач Тоше Проески, група македонски иселеници во Сиднеј на 28 август ќе организираат хуманитарен бал, поддржан од Интернационалната фондација „Тоше Проески“.
Балот ќе се одржи во локалот „Конка доро“, а парите што ќе бидат собрани ќе бидат наменети за помош за деца без родители и за деца со пречки. Билетите ќе се продаваат по цена од 80 австралиски долари за возрасни и 40 долари за деца помали од десет години. На забавата ќе настапат повеќе пејачи и диџеи кои ќе посетат на хитовите на Тоше. Организаторки се Венера Стојановски и Сузан Лајмановски.

ФОНДАЦИЈАТА ВО ХУМАНИТАРНА АКЦИЈА


Крушево со донација од концертот за Тоше


Меѓународната фондација „Тоше Проески“ утре напладне на Здравствениот дом во Крушево ќе му предаде донација - кардиоваскуларен ехо апарат. Средствата за набавка на потребниот апарат се од донациите собрани од концертот „Тоше те сакаме сите“, кој се одржа на петти октомври минатата година на Градскиот стадион во Скопје, кога многубројни пејачи пееја во чест на Тоше Проески.

На настанот ќе присуствуваат надлежните од Здравствениот дом Крушево, како и членови на Управниот одбор на Фондацијата.

http://www.vreme.com.mk/DesktopDefault.aspx?tabindex=5&tabid=1&EditionID=1752&ArticleID=117434

Ехо апарат за Крушево од донациите од концертот “Тоше - те сакаме сите“

http://www.radiomk.com/index.php?categoryid=1&p2_articleid=1746

Ane напиша:

Тоше не напишал песна за Пол Симонов, туку Тоше Поп Симонов, наш композитор, напишал песна за нашиот Тоше...а за фестивалот Чешме прв пат слушам...

Nikada е од Тоше Поп Симонов :)

Спомен куќата на Тоше готова в година

Изведувачите со забрзано темпо работат на спомен-куќата на Тоше, во Крушево. Од Министерството за култура велат дека изведбата на објектот се одвива според договорот, а во тек е фазата за изработка на проектот за ентериерно уредување.


Паралелно треба да биде завршена и постапката за избор на фирма што ќе го работи ентериерното уредување и опремување.

Конечната реализација на објектот ќе зависи од динамиката на прибирањето на предметите што ќе бидат сместени во спомен-домот и кои треба да се добијат од продукцијата и од семејството.


Потребно е да се изработи и поставка од привремен и постојан карактер. Неофицијално дознаваме дека ако се се одвива според предвидениот план, спомен-куќата комплетно ќе биде готова во средината на 2010 година.



Фондацијата ја продолжува хуманата мисија на Тоше

Со радост во очите и со насмевка седумдесет и седумгодишната крушевчанка Милица Николовска се упати во ординацијата каде што требаше да се прегледа на ехокардиографскиот апарат што го донира Фондацијата Тоше Проески. Таа живее сама, во својот дом, а како срцев болен не е во можност да патува во околните градови за да ја контролира својата болест.

Благодарни сме им на Фондацијата и на семејството на Тоше Проески што ни подарија еден ваков апарат, кој ќе ни ги скрати маките. Сега веќе не треба да одиме на преглед во Прилеп, Битола или во Охрид - вели Николовска, која беше првиот пациент кому му се изврши проверка на срцето со ехокардиографскиот апарат.

Тоше се грижеше за здравjето на наjблиските

Според информациите од Здравствениот дом, секој втор жител на Крушево боледува од кардиоваскуларни заболувања. Тоа беше и главната причина Фондацијата да донира ехокардиографски апарат од Јапонија, вреден 25.000 евра, кој ги исполнува сите стандарди и техники за солиден инетрнистички и кардиоваскуларни прегледи.

Овој апарат беше најнеопходен за болницата со оглед на старосната структура на населението во Крушево. За нас е од големо значење, бидејќи со сопствени пари не можевме ни да помислиме да го купиме. Многу сме им благодарни на Фондацијата, а особено на родителите на Тоше, кои согледувајќи ја реалната потреба, беа главните иницијатори за неговата донација - ни рече д-р Ѓорѓи Дамчески, директор на Здравствениот Дом во Крушево. Дамчевски, најави понатамошна соработка со фондацијата што го носи името на човекот што отсекогаш бил обожаван од своите сограѓани.

Тоше беше здраво момче. Но, често доаѓаше на лекар со членовите на своето семејство. Беше загрижен, особено за постарите членови на семејството и секогаш се обидуваше да им помогне - се сеќава тој.

Нови донации

Фондацијата Тоше Проески е во контакт со детската клиника во Скопје и во зависност од нивните потреби ќе бидат донирани медицински апарати.

Бидејќи Тоше многу ги сакаше децата, се решивме да донираме апарати што ќе помогнат при лекувањето на најмладите. Исто така им дадовме повеќе од 10.000 евра на физички лица за итни операции - ни изјави Андреј Николоски, директор на Фондацијата.

Фондацијата активно учествува во изградбата на манастирот Св. Преображение, го опреми музичкиот кабинет во крушевското основно училиште со инструменти во вредност од 6.000 евра, наскоро ќе го сними со свои пари спотот за темата Guilty, од англискиот албум на Проески.


http://www.mmm.com.mk/default.asp?ItemID=63DA5AADB968144784BD0806CE12E823

НОВ ДУЕТ НА РИСТЕСКИ
Ќе се преснима песна од Тоше
Песната „Прости ми“, што ја компонирала музичката легенда Тоше Проески и му ја подарил на својот сограѓанин Пеце Ристески неколку месеци пред трагичниот настан на 16 октомври 2007 година, наскоро ќе биде реализирана како сингл. Иако Пеце првенствено ја сними со младата пејачка Данче Јанковска заради некои обврски и неможноста заедно да ја промовираат песната, во комбинација ќе влезе друг женски вокал. Крушевскиот пејач Пеце Ристески емотивно е многу врзан за оваа песна, која Тоше му ја компонирал и му ја подарил како на свој пријател и колега. Текстот е на Пеце, а аранжманот на Васко Димоски-Џими. И Фондацијата „Тоше Проески“ дала согласност за снимање на нов дует, но притоа да не се менува композицијата.
Песната „Прости ми“, за која е планирано снимање и спот, ќе биде носечка на неговиот нов, трет по ред, албум, што Пеце планира да го објави.


http://vreme.com.mk/DesktopDefault.aspx?tabindex=3&tabid=1&EditionID=1756&ArticleID=117726

ГРУПА ОТВОРИ ЈАВЕН НАТПРЕВАР НА „ФЕЈСБУК“
Се бараат нови приказни за Тоше
Една од групите на социјалниот сајт „Фејсбук“ кои на разни начини го поддржуваат ликот и делото на Тоше Проески од завчера отвори јавен натпревар во пишување приказни за пејачот. Авторите своите дела треба да ги испраќаат на електронската адреса имтфанцлубЖгмаил.цом. Овој натпревар е отворен до 10 октомври. Според правилата, приказната може, но и не мора целосно да го опишува животот на Тоше, не смее да е подолга од една страница и во еден „ворд“ документ најмногу може да се стават до пет слики од Тоше. За други информации обожавателите може да го посетат и блогот хттп: //њњњ.тосе.блогер.хр.

http://vreme.com.mk/DesktopDefault.aspx?tabindex=1&tabid=1&EditionID=1759&ArticleID=117970

18. јули 2009.

Се бараат нови приказни за Тоше


Една од групите на социјалниот сајт Фејсбук, кои на разни начини го поддржуваат ликот и делото на Тоше Проески, деновиве отвори јавен натпревар во пишување приказни за пејачот - пишува Време. Авторите своите дела треба да ги испраќаат на електронската адреса: mailto:imtfanclub@gmail.com.

Овој натпревар е отворен до 10. октомври. Според правилата, приказната може, но и не мора целосно да го опишува животот на Тоше, не смее да е подолга од една страница и во еден ворд документ најмногу може да се стават до пет слики од Тоше.

За други информации обожавателите може да го посетат и блогот: www.tose.bloger.hr.

Ова насекаде го прочитав но не разбрав, какви приказни?

Dve nove pesme tragično nastradalog makedonskog pevača Tošeta Proeskog biće premijerno predstavljene 5. oktobra na velikom humanitarnom koncertu u njegovu čast na Gradskom stadionu u Skoplju. Kompozicije se zovu "Kruševo" i "Još uvek sanjam da smo zajedno".
Ova vest obelodanjena je prilikom predaje trodimenzionalnog kardiovaskularnog eho aparata bolnici u Kruševu. To je poklon Tošetovih roditelja, Nikole i Domenike, koji nastavljaju humanitarnu misiju svog sina. Aparat, vredan 25.000 evra, poklonili su kao deo akcije humanitarnog fonda "Toše Proeski", koji su osnovali nakon njegove pogibije. Ova fondacija namerava da pokloni medicinske aparate i dečjoj klinici u Skoplju. Iz kase fondacije do sada je potrošeno preko 10.000 evra samo kao pomoć za hitne operacije ljudi koji nisu imali sredstava da finansiraju hiruške intervencije. Fondacija učestvuje i u izgradnji manastira Sveto Preobraženje u Kruševu, ali i u drugim humanitarnim akcijama koje se organizuju u Makedoniji.

http://www.svet.rs/clanak/roditelji-nastradalog-to%C5%A1eta-proeskog-nastavljaju-humanitarnu-misiju

Две нови песни од Тоше Проески и хуманитарен концерт на 5 октомври


На Градскиот стадион во Скопје, на 5 октомври ќе се одржи хуманитарен концерт посветен на Тоше Проески, каде ќе бидат претставени уште две необјавени песни на трагично починатата музичка ѕвезда.

Станува збор за песната „Крушево“ и „Уште сонувам дека сме заедно“. Kaкo што пишува порталот pressonline.rs, веста е обелоденета за време на предавањето на тродимензионалниот кардиоваскуларен ехо-апарат во болницата во Крушево, што е поклон од родителите на Тоше, Никола и Доменика, кои ја продолжуваат хуманитарната мисија на својот син.

Апаратот, вреден 25.000 евра го поклониле како дел од акцијата на хуманитарниот фонд „Тоше Проески“, кој е основан од неговото семејство. Оваа фондација планира да поклони медицински апарати во детската болница во Скопје.

http://www.idividi.com.mk/zabava/Showbiz/541861/index.html

http://mmm.com.mk/?ItemID=B0BF3F329D3C78488D0342018BB50BDA

http://www.radiomk.com/index.php?categoryid=1&p2_articleid=1775

Алал да им е на родителите на Тоше и пресреќен сум што ке продолжи традицијата за хуманитарни концерти за Тоше!

Хуманитарниот концерт за Тоше нема да биде на Градски? Останати вести

Меѓународната фондација „Тоше Проески“ деновиве интензивно преговара со Министерството за култура во врска со деталите за хуманитарниот концерт во чест на македонската и балканска музичка легенда, кој треба да се одржи на 5 октомври. Концерт сигурно ќе има, меѓутоа се бара нова локација наместо градскиот стадион „Филип Втори“


- Сé уште се договараме и немам точни информации, но деновиве ќе се знае на која локација ќе се одржи концертот - вели Славен Ристески, зетот на Тоше и претставник на фондацијата.

Тој не открива зошто Градски отпаѓа како опција. Сепак, обожавателите коментираат дека би било штета да се смени локацијата, која има симболично значење. Тоа беше местото на кое Тоше традиционално се дружеше со својата домашна публика, секогаш завршувајќи ги концертите со зборовите: „Да ве видам в година пак, во уште поголем број“, како што беше случајот и со неговиот последен концерт, одржан десетина дена пред фаталната сообраќајна несреќа во која тој прерано го загуби животот.

Но, и покрај тоа што од фондацијата, која го носи неговото име, задолжена да се грижи за заштитата на ликот и делото на Тоше, како и за продолжување на неговата хуманитарна ангажираност, не откриваат официјални детали во врска со концертот, српските и хрватските медиуми вчера пласираа информација дека годинава на Градски ќе бидат промовирани две необјавени песни на мегаѕвездата. Станува збор за темите „Крушево“ и „Још увек сањам да смо заједно“. Наводно ова било договорено при неодамнешното предавање на тридимензионалниот кардиоваскуларен ехо-апарат на болницата во Крушево, купен со донациите и од средствата собрани на минатогодишниот концерт во чест на Тоше на 5 октомври на Градски.

- Не можам да ја потврдам оваа информација. Како што реков сé уште ги договараме деталите - вели Ристески.


http://novamakedonija.com.mk/NewsDetal.asp?vest=72491439223&id=48&prilog=0&setIzdanie=21747

http://www.radiomk.com/index.php?categoryid=1&p2_articleid=1781

http://www.mmm.com.mk/?ItemID=48FC62A723D65F4CAF394301ECE54BB7

Глупо ке биде ако не се одржи на градски, како што напишале погоре тоа место има симболично значење

Jaс ги читав коментарите под колумната во http://www.mmm.com.mk/?ItemID=48FC62A723D65F4CAF394301ECE54BB7 и сите фанови сакат концертот да биде на Градски.
Да ви прашам - на кое друго место може да биде концертот? Сакам да го гледам во живо и ми е интересантно каде во Скопие се праваат вакви големи концерти.
Треба пак да е на некој стадион, зашто сигурно нема сала, каде е можно да се соберат 50 000 луге.